දුර රූපය:
ඝන වලාවෙන් බර
අහස්කුස යට
තැන තැන වැඩුන මීවන පර්ණාංග ය.
පෙඳ පාසි ගහන
මඩ කඩිති අතර
ඉඳහිට මතුව පෙනෙන ගොඩබිම් ප්රදේශ ය.
මධ්ය රුපය :
(මඩ කඩිත්තක්)
අනාගත සේපියන්ස් පරපුරක
පිහිනන කළල රූප:-
ඉස්ගෙඩියන්ගේ ස්වරුපය ගත්
ජීවීන් ගොන්නකි.
ස්වල්ප වූ මඩ දියෙහි
එකා පිට එකා වැටෙමින්
දිවි රැක ගන්ට පොරකති
සමීප රූපය :
උන් අතුරින් එකෙකු
ඔසවා ඔලුව මඩ දියෙන් පිටතට
ගොඩබිම දෙසට යන්නට
යෙදෙයි මහත් වෑයමක.
මේ අතර
පොර කෑම නවතා
සෙස්සන් සැම
ඇද උගේ වරලින්
පාගා පෙඳය තරහින්
ඇද දමයි ඌව නැවතත්
සිටිය මඩ දියටම
අවසන් රූපය:
(කළු තිරය මැද සුදු පැහැති ලොකු අකුරින්)
" මිතුර එකල සිටම පැවත එන විකෘතියකි මෙය
ප්රකෘතිමත් වෙන්නට දැන් ඉතින් කාලය....
ශශාංක විශ්වජිත්
කැලණිය විශ්වවිද්යාලය
අගෙයි ශශංක!
ReplyDeleteThuthi bohomathma...jaya
ReplyDeleteඅදහස හොදයි.. නමුත් මේක shoot කරන්න නම් ලේසි වෙන්නෙ නෑ..
ReplyDelete